Мульткалендарь 18 декабря. Преподобный Савва Освященный.

<p id="eow-description" class="">Преподобный Савва Освященный
Прпп. Карио́н монах и сын его Заха́рий
Святитель Гурий, архиепископ Казанский и Свияжский

Тропарь преподобного Саввы
глас 8
Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Савво, отче наш,// моли Христа Бога спастися душам нашим.
Кондак преподобного Саввы
глас 8
Яко от младенства Богу жертва непорочная/ принеслся еси добродетелию, Савво блаженне,/ садоделатель быв благочестия,/ темже был еси преподобных удобрение,/ гражданин же пустынный достохвален./ Темже зовем ти:// радуйся, Савво пребогате.

Тропарь святителя Гурия, архиепископа Казанского
глас 4
Правило веры и образ целомудрия,/ учителя добрых дел/ и наставника спасения даде тя Господь/ новопросвещенному граду Казани,/ в немже приобрел еси новыя от язык люди/ и привел еси я Христови./ Сего ради в память твою радостно сошедшеся,/ честне празднуем святое твое успение,/ ты же, отче наш, святителю Христов Гурие,/ моли Христа Бога/ спастися душам нашим.
Кондак святителя Гурия
глас 4
Чувственныя страсти победив,/ чистотою, яко солнце, возсиял еси,/ чисто житие до конца сохранив,/ и от неверия в веру многих ко Христу привел еси,/ и Того ради от Бога нетлением почтен был еси/ и чудесы удивляем./ Молим тя, святителю Гурие,/ молитвами твоими от бед избави нас, да зовем ти:// радуйся, отче предивный, граду Казани похвала и утверждение.</p>