<p id="eow-description" class="">Благодарим за пожертвования во славу Божью на развитие канала и паломничество.
Мы молимся во Здравие помощников канала. В сообщении обязательно напишите имя. https://funding.webmoney.ru/d/dushe-moya
Подписываясь на канал и нажимая на "Мне нравится" и "Подели...
<p id="eow-description" class="">Благодарим за пожертвования во славу Божью на развитие канала и паломничество.
Мы молимся во Здравие помощников канала. В сообщении обязательно напишите имя. https://funding.webmoney.ru/d/dushe-moya
Подписываясь на канал и нажимая на "Мне нравится" и "Поделиться" - вы помогаете распространению Слова Божьего
Молитва ко Пресвятой Богородице преподобного иеросхимонаха Нила Сорского, чтомая в день воскресный
О, всеми́лостивая Де́во Богоро́дице, Ма́ти щедро́т и человеколю́бия, прелюбе́зная наде́жде и упова́ние мое́!
О, Ма́ти пресла́дкаго, перворожде́ннаго и вся́ку любо́вь превосходя́щаго Спаси́теля, Го́спода Иису́са Христа́, Человеколю́бца и Бо́га моего́. Све́те помраче́нныя души́ моея́!
К Тебе́ а́з многогре́шный и безнадежный припа́даю и Тебе́ молю́ся, Исто́чниче милосе́рдия, Де́во Мари́е, бе́здну милосе́рдия и пучи́ну щедро́т и человеколю́бия ро́ждшая: поми́луй мя́, вопию́ Ти́ боле́зненно, поми́луй мя́, всего́ уя́звленнаго, в лютые разбо́йники впа́дшаго, и от оде́жды, в ню́же облече́ мя́ Оте́ц, увы́ мне́, обнаже́ннаго. Те́мже возсмерде́ша и согни́ша ра́ны моя́ от лица́ безу́мия моего́.
Но, Влады́чице моя́ Богоро́дице, молю́ Тя́ смире́нно, воззри́ на мя́ ми́лостивым свои́м о́ком и не возгнуша́йся мене́, всего́ помраче́ннаго, всего́ оскверне́ннаго, всего́ в ти́не сласте́й и страсте́й погруже́ннаго, лю́те па́дшаго и возста́ти не могу́щаго: умилосе́рдися на мя́ и да́ждь ми́ ру́ку по́мощи, во е́же воздви́гнути мя́ из глубины́ грехо́вныя.
О Ра́досте моя́! Изба́ви мя́ от обыше́дших мя́; просвети́ лице́ Твое́ на раба́ Твоего́, спаси́ погиба́ющаго, очи́сти оскверне́ннаго, возста́ви па́дшаго лю́те: мо́жеши бо вся́, я́ко Ма́ти Бо́га Всемогу́щаго.
Изле́й на мя́ еле́й милосе́рдия Твоего́, и вино́ умиле́ния точи́ти ми́ пода́ждь: Тебе́ бо вои́стину еди́ну наде́жду стяжа́х в житии́ мое́м.
Не отри́ни у́бо мене́, к Тебе́ притека́ющаго но ви́ждь ско́рбь мою́, Де́во, и души́ жела́ние, и сие́ приими́ и спаси́ мя́, Хода́таице спасе́ния моего́. Ами́нь.</p>
