Мульткалендарь. 13 ноября 2017г

<p id="eow-description" class="">Святые апостолы от 70-ти: Стахий, Амплий, Урван, Наркисс, Апеллий, Аристовул
Мученик Епимах Новый, Александрийский
Преподобные Спиридон и Никодим, просфорники Печерские

Тропарь апостолов
глас 3
Апостоли святии,/ молите Милостиваго Бога,/ да прегрешений оставление// подаст душам нашим.
Кондак апостолов
глас 8
Яко священная сокровища Всесвятаго Духа/ и Солнца Славы сияния,/ по долгу воспоим мудрыя апостолы,/ Апеллия, Урвана же и Аристовула,/ Амплия, Наркисса и Стахия,// яже благодать собра Бога нашего.

Тропарь мученика Епимаха
глас 4
Мученик Твой, Господи, Епимах/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.
Кондак мученика Епимаха
глас 4
Многообразныя раны претерпел еси/ и венец прием от Христа Бога,/ Емуже о нас молися, блаженне Епимаше,/ верно совершающих память твою,// да спасет души наша.

Тропарь преподобных Спиридона и Никодима, просфорников Печерских, в Ближних пещерах
глас 4
Хлебы приносныя руками своими творя,/ псалмопение непрестанное усты своими/ яко жертву хвалы приношаше Господеви,/ со честным Никодимом, блаженне Спиридоне,/ с нимже молися Христу Богу о душах наших
Кондак преподобных Спиридона и Никодима, просфорников Печерских
глас 3
Да явиши разжженную твою ко Господу любовь,/ чудне Спиридоне,/ разжегшуюся зело пещь/ мантиею своею заграждавши/ и да покажеши источник вод дарований духа в тебе живущ,/ одеждею своею, нося воду,/ угашаеши пламень огненный,/ тем, яко имея дерзновение ко Господу,/ со блаженным Никодимом/ молися присно о нас, поющих тя.</p>