Адрес электронной почты
Пароль
Я забыл свой пароль!
Входя при помощи этих кнопок, вы подтверждаете согласие с правилами
Имя
Адрес электронной почты
Пароль
Регистрируясь при помощи этих кнопок, вы подтверждаете согласие с правилами

прп. Антоний Оптинский (Путилов)

Дни памяти (по старому/новому стилю):
7 августа (20 августа)
11 октября (24 октября)
Житие, обретение мощей

Преподобный Антоний (в миру Александр Иванович Путилов) родился 9 марта 1795 года в городе Борисоглебске Ярославской губернии. Родители его Иван Григорьевич и Анна Ивановна Путиловы были люди благочестивые и богобоязненные, детей своих воспитывали в страхе Божием и в духе строгого Православия. В детстве и юности Александр был весьма тих и скромен. Призвание к монашеской жизни он почувствовал еще в детском возрасте, чему послужил и пример его старших сродников и братьев, посвятивших себя иноческой жизни.

При нашествии французов в 1812 году Александр оказался в Москве и жестоко пострадал от них. Бежал в Ростов к своим родным, а оттуда через некоторое время отправился в рославльские леса, где уже пять лет подвизался его старший брат Тимофей, будущий игумен Оптиной пустыни преподобный Моисей. Выдержав четырехлетний искус, 2 февраля 1820 года Александр был облечен в ангельский образ на праздник Сретения Господня и наречен Антонием. Исполняя волю боголюбивого архипастыря — епископа Калужского Филарета, преподобный Моисей и преподобный Антоний 3 июня 1821 года отправляются в Оптину пустынь для основания при сей обители уединенного скита.

Место было выбрано в 170 саженях к востоку от монастыря в густом лесу. Очистив от леса само место, пустынники построили небольшую келию и соорудили церковь во имя святого Иоанна, Предтечи Господня, а стали строить и братские корпуса. В 1825 году, после назначения преподобного Моисея настоятелем Оптиной пустыни, преподобный Антоний был определен начальником скита. В новоустроенный безмолвный скит с разных сторон стали стекаться мудрые в монашеской жизни и крепкие в духовных подвигах отцы...

К добровольным трудам и подвигам монашеским преподобного Антония вскоре присоединился и крест тяжелой, длительной болезни.

В декабре 1839 года Преосвященный Николай, епископ Калужский, неожиданно поставил его игуменом в малоярославецкий Черно-островский монастырь. Управляя обиителью в болезненном состоянии, преподобный Антоний положил прочное начало устроению обители, а также окончил и начатое его предшественником внешнее ее устроение. По временам преподобный Антоний ездил в Москву по монастырским делам, где удостаивался архипастырского благословения и внимания митрополита Филарета. Видя раз за разом ухудшающееся здоровье малоярославецкого настоятеля, святитель решает ходатайствовать перед Калужским архиереем об увольнении его от непосильного послушания. И преподобный Антоний возвратился на покой в любезную его сердцу Оптину пустынь.

В строгом подвиге преподобный старец Антоний стал проводить свое новое жительство, отчего усилилась болезнь в ногах до крайности — они до колен были покрыты ранами и порой сильно истекали кровью. Многие, видя всегда светлое его лицо и слыша его оживленную беседу, не понимали, какого страдальца видят пред собою. Как великий любитель безмолвия преподобный Антоний желал уединенной жизни, проводимой в молитвенных трудах, чтении и богомыслии. Но его духовные дарования привлекали к нему множество посетителей, желающих принять благословение и духовное назидание. Были основательные причины утверждать, что преподобный Антоний имел великое дерзновение в молитве к Богу и сподоблялся духовных видений и других благодатных посещений.

9 марта 1865 года, когда старцу исполнилось ровно 70 лет, после трехлетнего самоиспытания он принял великую схиму. По болезни старца пострижение было совершено келейно настоятелем обители преподобным Исаакием.

В июле открылась во всей силе предсмертная болезнь его. Благословляя всех образами, преподобный Антоний приговаривал: «Примите от умирающего на вечную память». Старец был особорован за 17 дней до кончины, когда телесные силы еще не совсем оставили его.

Приобщался же Святых Таин в последнее время ежедневно и пребывал в непрестанной молитве.

7/20 августа 1865 года наступил последний день жизни многострадального преподобного Антония. Вечером, во время всенощного бдения, умирающий вдруг потребовал, чтобы к нему пригласили настоятеля. Как истинный послушник он и в последний путь не хотел отправляться без настоятельского благословения. Исполняя беспрекословно волю умирающего, настоятель преподобный Исаакий благословил его и простился с ним уже навеки. Через несколько часов преподобный Антоний тихо и мирно дважды вздохнул и с третьим, едва заметным воздыханием мирно предал чистую свою душу в руки Божии.

Развернуть
Тропарь, кондак, величание

Тропарь, глас 6

Православныя веры светильницы, монашества непоколебимии столпи, земли Российския утешителие, преподобнии старцы Оптинстии, любовь Христову стяжавшии и души своя за чада полагавшии, молитеся ко Господу, да утвердит земное Отечество ваше в православии и благочестии и спасет души наша.

Кондак, глас 4

Воистину дивен Бог во святых своих, Пустынь Оптину якоже вертоград старчества явивый, идеже богопросвещеннии отцы, тайная сердца человеческаго ведуще, народа Божия печальницы доблии явишася: сии бо на путь покаяния грехом отягощенныя наставиша, в вере колеблющияся светом Христова учения просветиша и Божией премудрости научиша, страждущим и немощным спострадаша и исцеление дароваша. Ныне же, во славе Божией пребывающе, молятся непрестанно о душах наших.

Развернуть
Молитвы, акафист, канон

Молитва преподобным отцем
и старцем, в Оптиной пустыни просиявшим

О велицыи угодницы Божии, столпи и светильницы Земли Российстей, преподобнии и богоноснии отцы наши Оптинстии, Льве, Макарие, Моисее, Антоние, Иларионе, Амвросие, Анатолие, Исаакие и Иосифе, Варсонофие, Анатолие, Нектарие, Никоне и Исаакие, по закону Евангельскому Господа Бога всем сердцем и всею душею и всем разумением возлюбившии и всему народу Божию во спасение бывшии; сего ради под покров Пресвятыя Владычицы нашея Богородицы во обитель Оптину, покаявшимся разбойником основанную, притекшии, путем тесным и прискорбным смирения и самоукорения до конца дней ваших ходившии, темже убо благодатныя дары Святаго Духа преизобильно стяжавшии; старых и младых, знатных и препростых, мудрых века сего и худоумных, никогоже от грядущих к вам ижденувшии, николиже тща и неутешна отпустившии, но светом истины Христовы всех просветившии и духовно воскресившии, ближних ваших, яко себе самех, возлюбившии и тех в сердце своем вместившии, по словеси Апостола, пророчествующе и назидающе, увещающе и утешающе. Умолите Милосердаго Господа, во обитель райскую разбойника благоразумнаго с Собою вземшаго, даровати нам, недостойным, яко работником единонадесятаго часа, дух сокрушения, сердца очищение, уст хранение, правоту деяний, мудрование смиренное, слезы покаяния, веру непостыдную, любовь нелицемерную, мир душевный и здравие телесное, да предстательством вашим сподобит нас Господь добраго ответа на Страшнем Судищи Своем, вечных мук избавляя, и царствия Небеснаго купно с вами да удостоит во веки веков. Аминь.

АКАФИСТ СОБОРУ ПРЕПОДОБНЫХ ОТЦЕВ И СТАРЦЕВ В ОПТИНОЙ ПУСТЫНИ ПРОСИЯВШИХ

Написан Иваном Беляевым,
родным братом прписп. Никона (Беляева)

Кондак 1

Избранным Богом от суетнаго мира, вам, о преподобнии отцы Оптинстии, крест свой благоговейно подъемши и Христу последовавшим верою, яко дерзновенным предстателем нашим пред Господем ныне усердное моление приносяще, с любовию взываем: Радуйтеся, преподобнии отцы Оптинстии, благодати старчества светильницы.

Икос 1

Ангельскаго иноческаго жития всем сердцем взыскавше, вся мирская пристрастия отвергосте, Богомудрии, и во объятия Отча с любовию в обитель Оптинy притекше, путем тесным и прискорбным до конца дней ваших шествовасте. Сего ради воспеваем сице: Радуйтеся, на зов Господень радостно притекшии; радуйтеся, всем желанием Христу последовавшии. Радуйтеся, крест свой на рамо восприимшии; радуйтеся, паче Господа ничесоже возлюбившии. Радуйтеся, Христа ради всеконечно себя отвергшиися; радуйтеся, Царствия Божия блаженнии наследницы. Радуйтеся, преподобнии отцы Оптинстии, благодати старчества светильницы.

Кондак 2

Видевше сети диаволъския, аки паучина в мире распростертая, и во глубине сердец ваших восчувствовавше, яко от них человецы токмо смирением спасаются, себе самех в теплой молитве пред Господем повергосте, со умилением взывающе: Аллилуиа.

Икос 2

Разумевше сердцем и умом, яко делы своими не оправдится пред Богом всяк живый, и присно содержаще пред очесы вашими согрешения своя, токи слезныя, единому Господу зримыя, источати не престасте, покаяние души Ему приносяще, Егоже образ показасте нам, взывающим: Радуйтеся, грехи своя неприкровенны прозревавшии; радуйтеся, дар умиления и слез от Господа приявшии. Радуйтеся, блаженство плача о гресех познавшии; радуйтеся, неусыпающую скорбь о них стяжавшии. Радуйтеся, на земли покаяния проповедницы; радуйтеся, на небеси ныне Господем утешаемии. Радуйтеся, преподобнии отцы Оптинстии, благодати старчества светильницы.

Кондак 3

Силу искупительных страданий Христовых положисте, святии, яко нерушимую надежду спасения, себе самех хуждшими всех человек и никоеяже милости достойных помышляюще, и сего ради со многим смирением и благодарением присно вопиясте Богу: Аллилуиа.

Икос 3

Имуще в сердцах своих Божественный смиренномудрия дар, истинные ученицы Христа, смирившаго Себе даже до смерти Крестныя, ни во чтоже вменисте вся подвиги и труды ваша. Возрастающим бо подвигом, сугубо возрасташе и смирение, емуже дивящеся, глаголем: Радуйтеся, послушанию и смирению Спасителем наученнии; радуйтеся, за смирение Господем Славы вознесеннии. Радуйтеся, безгневия и кротости смирением достигшии; радуйтеся, смирением и самоукорением покой душам обретшии. Радуйтеся, нищетою духовною обогатившиися избранницы; радуйтеся, ваше бо есть Царствие Небесное, нищим духом уготованное. Радуйтеся, преподобнии отцы Оптинстии, благодати старчества светильницы.

Кондак 4

Бурю страстей, плотию и диаволом воздвизаемую, утоляюще, ум владыку над страстьми пагубными постнически постависте, мужески бо естество понудивше, потщастеся благодатию Божиею хуждшее покорити лучшему и плоть поработити духу, Подвигоположнику Христу пети не престающе: Аллилуиа.

Икос 4

Слышавше глагол Господень, яко Царствие Небесное нудится и токмо нуждницы восхищают е, постом, бдением и молитвою непрестанно подвизастеся и плоть свою со страстьми и похотьми Христови распясте, уставы иноческия нерушимо соблюдше. Темже ублажаем вы: Радуйтеся, благое иго Христово люботрудно noнесшии; радуйтеся, трезвением сердечным духа не угасившии. Радуйтеся, крепкое хранение устом своим полагавшии; радуйтеся, телеса своя нещадно утеснявшии. Радуйтеся, с телесными подвиги умное делание сочетавшии; радуйтеся, в терпении вашем души ваша стяжавшии. Радуйтеся, преподобнии отцы Оптинстии, благодати старчества светильницы.

Кондак 5

Светоносное имя Иисусово, яко оружие непобедимое противу бесовския рати, непрестанно в сердце с верою носяще, приснотекущий источник благодати обретосте, восходяще от силы в силу и огнь ко огню прилагающе, очищенным смыслом воспеваете Богу: Аллилуиа.

Икос 5

Прозревающе всечасно немощь свою и спасительную, благодатную силу молитвы Иисусовой, николиже престасте творити ю, страстей прилоги тою посецающе и вся козни вражия попаляюще, в безмолвии сердца молитвенное собеседование с Господем таинственно обретше, нас научаете взывати вам: Радуйтеся, весь ум свой в молитву погрузившии; радуйтеся, всецело горе сердца своя имевшии. Радуйтеся, на молитве ни о чемже суетнем помышлявшии; радуйтеся, имя Иисусово неусыпно призывавшии. Радуйтеся, молитвы сердечныя изряднии подвижницы; радуйтеся, вся просимая во имя Господне получавшии молитвенницы. Радуйтеся, преподобнии отцы Оптинстии, благодати старчества светильницы.

Кондак 6

Предстояще сердцем в молитве пред Крестом за грехи людския страждущаго Господа, рыданием возрыдаете, преподобнии, скорбию о гресех своих снедаеми и неизглаголанною любовию к Искупителю нашему возгарающеся, до конца жития убо трепетно взывасте Ему: Аллилуиа.

Икос 6

Воссиявшу в сердцах ваших свету любве Божественныя, славу земную и похвалы возненавидесте и омерзисте, безчестие же от человеков и всякия скорби отверстым сердцем радостно приемлюще, поношению Христову усердно приобщистеся. Нам убо образ злострадания и терпения показасте, зовущим: Радуйтеся, язвы Господа Иисуса Христа на теле своем носившии; радуйтеся, поругания, яко врачевство чистительное, усердно пившии. Радуйтеся, от почестей земных всем сердцем отвратившиися; радуйтеся, за ненавидящих вас с любовию молившиися. Радуйтеся, обидящих вас, яко благодетелей, возлюбившии; радуйтеся, благодарити Милосердаго Господа николиже преставшии. Радуйтеся, преподобнии отцы Оптинстии, благодати старчества светильницы.

Кондак 7

Хотяй Господь всем человеком спастися и в разум истины приити, видя ваше благое произволение и труд непрестанный в исполнении заповедей Его, отверзе вам ум разумети пути Своя и оправданием Своим научи вас. Темже сердцем просвещенным выну воспевасте: Аллилуиа.

Икос 7

Дивна дела Твоя, Господи, яко паче книжник вразумляеши рабов Твоих, всем сердцем взыскующих Тя, и открываеши очи их, да уразумеют чудеса от закона Твоего. Блажим убо преподобных Твоих, отцев наших Оптинстих, присно поучавшихся в заповедех Твоих, яже возлюбиша зело, и поем им: Радуйтеся, словеса Божия, яко богатство много, в сердце сокрывшии; радуйтеся, путие заповедей Божиих всем сердцем возлюбившии. Радуйтеся, всяк путь неправды омерзившии; радуйтеся, от пути Господня николиже отступившии. Радуйтеся, в добрем подвизе уготовившиися и не смутившиися; радуйтеся, слово Божие вместивше, мир мног во Христе обретшии. Радуйтеся, преподобнии отцы Оптинстии, благодати старчества светильницы.

Кондак 8

Странников и пришельцев на земли себе помышляюще, ничесоже от тленных вещей мира сего стяжати себе не возжеласте, да не будут сердца ваша к земли влекома, обаче к единому Богу прилепистеся, чисте возносяще Ему песнь: Аллилуиа.

Икос 8

Всякое плотское пристрастие, от любве Господни отлучающее, вседушно отвергосте, единое на потребу взыскующе. Всегда убо при ногу Иисусову неотторженною приседесте любовию, ко благом житейским сердца не прилагающе и все упование свое на Господа возложивше. Темже похваляем вас, святии: Радуйтеся, без пристрастий к миру житие свое скончавшии; радуйтеся, от земных забот свобождшеся, сладость чистыя молитвы познавшии. Радуйтеся, твердою верою попечения житейская отложившии; радуйтеся, нестяжанием и послушанием пагубныя страсти умертвившии. Радуйтеся, иноческий обет нестяжания свято соблюдшии; радуйтеся, волю свою отсекшии Христовы послушницы. Радуйтеся, преподобнии отцы Оптинстии, благодати старчества светильницы.

Кондак 9

Вся молитвы ваша и вся силы ваша подвигосте, преподобнии, во еже стяжати чистоту душевную и телесную, без неяже, по словеси Христову, никтоже узрит Бога; темже убо чистым сердцем сподобистеся в раи Господни достойно воспети чудную праведных песнь, зовуще: Аллилуиа.

Икос 9

Воюющии на душу плотская вожделения постом и молитвою укрощающе, помыслом греховным возобладати вами не попускаете, от Господа Бога, единаго власть имущаго побеждати естества чин, дар чистоты и целомудрия приясте. Приимите убо и от нас хваления таковая: Радуйтеся, благодать Божию в борьбе с плотию смирением привлекшии; радуйтеся, труды и лишения возлюбивше, покой телесный отринувшии. Радуйтеся, постом и всенощными моленьми похоть плоти умертвившии; радуйтеся, естества уставы силою Христовою победившии. Радуйтеся, телеса и души ваша чисты Господеви принесшии; радуйтеся, чистии сердцем, Бога в вечнем блаженстве зрящии. Радуйтеся, преподобнии отцы Оптинстии, благодати старчества светильницы.

Кондак 10

Спасти хотяще души своя для жизни вечныя, вся помышления о земнем и привременнем отринусте и Спасителю нашему, заповедь велику о любви учеником Своим давшему, делом и истиною последовасте. Сего ради ближних ваших теплою любовию тогда возлюбисте, Небесному Отцу всех человеков зовуще: Аллилуиа.

Икос 10

Возлюбивше всею душею ближняго своего, Царствие Божие внутрь себе обретосте, темже сниде в сердца ваша огнь попаляяй любве Божия, еюже необыменно насыщающеся, всецело себе в жертву делом любве принесосте. Ныне же и от нас благоговейное пение сие слышите: Радуйтеся, всех человеков святою любовию возлюбившии; радуйтеся, во еже некия спасти, всем вся бывшии. Радуйтеся, о горестех людских слезно воздыхавшии; радуйтеся, всех притекающих в сердцах своих вмещавшии. Радуйтеся, тща от себе никогоже отпускавшии; радуйтеся, души ваша за ближних полагавшии. Радуйтеся, преподобнии отцы Оптинстии, благодати старчества светильницы.

Кондак 11

Пение молебное приносим вам, преподобнии отцы наши Оптинстии, вашею бо стезею воистину право ходити познахом. Блажени есте, Христу работавшии и вражию посрамившии силу, истинное правило добродетели показастеся всем, Господеви зовущим: Аллилуиа.

Икос 11

Светлыя подвиги ваша похваляюще, преподобнии отцы наши Оптинстии, ублажаем вас, яко славных наставников монахов и чудных собеседников Ангелов ныне на небеси Престолу Божию предстоящих и молящихся о нас, с любовию поющих вам: Радуйтеся, трезвения непрестаннаго усерднии ревнителе; радуйтеся, пламени сердечнаго неусыпнии хранителе. Радуйтеся, непоколебимии столпи послушания, вся претерпевшии; радуйтеся, многими скорбьми в Царствие Божие вшедшии. Радуйтеся, иноческаго жития равноангельнии подвижницы; радуйтеся, добрии раби Божии, блазии и вернии. Радуйтеся, преподобнии отцы Оптинстии, благодати старчества светильницы.

Кондак 12

Благодати дар испросите нам у Господа, вас, о блаженнии, верно хвалящим. Вонмите воздыханием нашим, слез наших не презрите. Умолите Господа утолити лютыя страсти наша, дати нам плач сокрушенный о гресех наших, да чистою душею и неоскверненными устнами купно с вами сподобимся в раи Господни воспевати: Аллилуиа.

Икос 12

Поюще ныне вас, о преподобнии, хвалебными гласы, вемы, яко не пения устен взыскуете, но подвигом вашим последования, смирения сердечнаго и жития исправления. Темже в покаянии помощи вашея просяще, любовию же подвизаеми, глаголем: Радуйтеся, добре жительствующих ограждающии; радуйтеся, немощных и сирых укрепляющии. Радуйтеся, падающим руку помощи простирающии; радуйтеся, кающимся слезы утешительныя низпосылающии. Радуйтеся, всем призывающим вас скории помощницы; радуйтеся, спасения нашего пред Богом теплии ходатаи. Радуйтеся, преподобнии отцы Оптинстии, благодати старчества светильницы.

Кондак 13

О преславнии угодницы Христовы, преподобнии отцы и старцы, Моисее, Антоние, Исаакие, Иларионе, Анатолие, Иосифе и Вторый Исаакие, Льве, Макарие, Амвросие, Варсонофие, Вторый Анатолие, Нектарие и Никоне, яко седмь столпов и седмь светильников в Оптинстей обители просиявшии! Нынешнее наше моление услышите и испросите нам у Господа смирение и память смертную, да избавит нас Господь от всякаго зла и сподобит христианския кончины всех вопиющих Ему: Аллилуиа.

(Этот кондак читается трижды, а затем икос 1 и кондак 1)

Развернуть