Молитвослов

Господи, Боже Великий, Царю Безначальный, пошли Архангела Твоего Михаила на помощь рабам Твоим (имена). Защити Архангеле нас от всяких врагов видимых и невидимых. О Господень Великий Архангеле Михаиле! Демонов сокрушитель, запрети всем врагам борющим мя, и сотвори их яко овцы, и смири их злобные сердца, и сокруши их, яко прах перед лицем ветра.О Господень Великий Архангеле Михаиле! Херувимов и Серафимов, буди нам помощник во всех бедах, скорбех, в печалех, в пустыне и на морях тихое пристанище. О Господень Великий Архангеле Михаиле! Избави нас от всякия прелести диавольския, егда услышишь нас грешных, молящихся Тебе, и призывающих имя твое святое. Ускори нам помощь и побори всех, противящихся нам, силою Честного и Животворящего Креста Господня, молитвами Пресвятой Богородицы, молитвами святых апостол, Святителя чудотворца Николая, Андрея Христа ради юродивого, святого пророка Илии, и всех святых великомучеников, святых мучеников Никиты и Евстафия, и всех преподобных отец наших от века Богу угодивших и всех святых Небесных Сил. О Господень Великий Архангеле Михаиле! Помози нам, грешным (имена), и избави нас от труса, потопа, огня, меча и напрасныя смерти, и от всякого зла, от врага льстивого, от бури наносимой, от лукавого избави ны всегда, ныне и присно и во веки веков. Аминь. (Аще который человек прочтет молитву сию, того дня не прикоснется к нему ни диавол, ни злой человек и не соблазнится лестью сердце его. Аще ли преставится от жития сего, то и ад душу его не примет.)