- Лента
- |
- Участники
- |
- Фото 37379
- |
- Видео 142
- |
- Мероприятия 0
16 июля (по старому стилю 3 июля)
Память святых угодников Божиих:
преподобного Александра монаха, обители «Неусыпающих» первоначальника, Константинопольского; преподобных Анатолия, в Ближних пещерах почивающего, и Анатолия затворника, в Дальних пещерах почивающего, Печерских; святителя Анатолия, патриарха Константинопольского; священномученика Антония (Быстрова), архиепископа Архангельского, Холмогорского; святителя Василия, архиепископа Новгородского (местно); святителя Василия, епископа Рязанского; благоверных князей Василия и Константина Всеволодовичей Ярославских, чудотворцев; преподобного Георгия отшельника, Грузинского (местно); мучеников Диомида, Евлампия, Асклипиодота и мученицы Голиндухи; мученика Иакинфа Римского; преподобных Иоанна и Лонгина Яренгских; блаженного Иоанна, Христа ради юродивого, Московского; мучеников Мокия (Мокиана) и Марка; преподобного Никодима Кожеезерского (Хозьюгского); священномученика Сильвестра (Ольшевского), архиепископа Омского; священномученика Филиппа II, митрополита Московского и всея России, чудотворца; блаженных Фомы, Иродиона, Михаила, Иоанна и Василия, Христа ради юродивых, Сольвычегодских (местно).
Поздравляем именинников!
Тропарь, глас 3 (преподобным Анатолию, в Ближних пещерах почивающему, и Анатолию затворнику, в Дальних пещерах почивающему, Печерским):
Преблаженнии и богоноснии отцы наши, Анатолие и Анатолие затворниче, яко стяжавшие дерзновение ко Господу равноангельным своим житием, егоже ради обогати Христос нетлением и чудесы мощи ваша, молим вас прилежно: испросите душам нашим очищение и велию и богатую милость.
Кондак, глас 4 (преподобным Анатолию, в Ближних пещерах почивающему, и Анатолию затворнику, в Дальних пещерах почивающему, Печерским):
Богатство благодати и сыноположения стяжавше многими подвиги и добродетельми, ихже ради Христос всели души ваша в Небесная селения Своя, даровав благодать нетления и чудес мощем вашим, к нимже притекающе вопием: радуйтеся, Анатолие и Анатолие затворниче, ликов иночествующих похвало и украшение.
Тропарь, глас 4 (святителю Василию, епископу Рязанскому):
Первее в Муроме святительством почтен был еси, из негоже неправедно изгоняем, на мантию, яко на легкий корабль, возшел еси, на нейже паче естества, яко бесплотен, по водам шествие творя, промышлением Вышняго и заступлением Богоматере управляем, богоспасаемаго града Рязани достигл еси и в нем архиерейства престол восприим, богоданную паству Рязанскую добре упасл еси. Святителю отче наш Василие, моли Христа Бога спастися душам нашим.
Кондак, глас 8 (святителю Василию, епископу Рязанскому):
Яко многосветлая здезда от града Мурома возсиял еси, святителю Василие, по водам же дошед до града нашего Рязани, Церковь Божию добре упасл еси, просвещая люди учением и житием твоим. Поминай и ныне чада твоя, молим тя, наставниче наш добрый, и за ны Христу Богу и Пречистей Его Матери молися, да благодарною душею зовем ти: радуйся, угодниче Христов и теплый к Богу о нас молитвенниче.
Тропарь, глас 2 (благоверным князьям Василию и Константину Всеволодовичам Ярославским, чудотворцам):
Ваше отечество хвалится обагрением кровей ваших, Церковь же Божия радуется, приемши телеса ваша, людие, песненный лик составльше, духовною цевницею вопиют: ликуй, Василие, радуйся Константине, Ярославлю и всей России радосте.
Кондак, глас 8 (благоверным князьям Василию и Константину Всеволодовичам Ярославским, чудотворцам):
Яко цвети честнии розличнии, в райстей пищи процветше невещественно, отечеству своему славу велию и сродникам похвалу и честь явльше, всеистиннии победницы, великий Василие и славный Константине, но убо не престайте молящеся о граде нашем и о всех рабех своих, избавити их от напастей и бед, и всяких лютых обхождений, вопиющих вам: радуйтеся, граду нашему Ярославлю великое утверждение.
Кондак, глас 6 (мученику Иакинфу Римскому)
Древо жизни посреде души своея, веру Твою, Христе, стяжавый Твой мученик, Едемскаго рая честнейший бысть, древо прелести змиевы погубив дерзновенно духом, венчался славою Твоею, Многомилостиве.
Тропарь, глас 1 (блаженному Иоанну, Христа ради юродивому, Московскому):
Любве ради Христовы возненавидев мира сего с ея прелестныя красоты, в мире живый, подвизася добре, яко Ангел на земли, вечные ради жизни, и от земных достоинств таковых душу воскресив духом, плоть же поработив и повинув во всем духу, Христови распяся и к Божественней высоте пресветло взятся благодатно, прииде в Небесный Чертог, идеже ныне, Пресвятей Троице со Ангелы предстоя, во свете неизреченныя радости веселишися, преблаженне Иоанне, тем благодарственно вопием ти: слава Избравшему тя в Руси, блаженне, устава изрядна, слава Укрепльшему тя в народе, слава молитвами твоими и нас Спасающему.
Кондак, глас 8 (блаженному Иоанну, Христа ради юродивому, Московскому):
Святое и пренепорочное понес еси самовольное мучение, яко вено пречестное, принесл еси тело твое к Пресвятей Троице и Пречистой Богородице и ту сотворил еси честное твое преставление. Терпением твоим и смирением ангельские лики удивил еси и диавола мучителя посрамил еси, от человек отгоняеши духи темныя, различная исцеления подавая. Радуйся, благоюроде Иоанне, с блаженным Василием, и печаль нашу на радость преложи, молися прилежно стране Российстей от междоусобныя брани и от безбожных язык избавитися. Радуйся, земли Российския удобрение и града нашего Москвы великое утверждение.
Тропарь, глас 8 (преподобным Иоанну и Лонгину Яренгским):
Яко звезды многосветлыя, от юности возсиявше, освятили есте сердца верные пренесением честных мощей ваших, добродетельми чудес ваших, во плоти яко бо Ангели на земли, показастеся, пощением насаждени бысте, яко древо при водах воздержания, напоени струями слез ваших, и скверну омысте, сего ради явистеся приятелище Божия Духа, Иоанне и Лонгине, молите Христа Бога спастися душам нашим.
Кондак, глас 8 (преподобным Иоанну и Лонгину Яренгским):
Явистеся светильницы всесветлии, во плоти Ангели, яко живота древо райское, пощением и бдением, и верою возращаеми, процвели есте. Молитвами своими Небесную благодать приемше, врачеве же крепции явльшеся, исцеляете недужныя и души с верою прибегающих к раце мощей ваших, чудотворцы славнии, Иоанне и Лонгине, сего ради вси верою и любовию вопием: радуйтеся, Поморстей стране похвало и утверждение.
Тропарь, глас 4 (преподобному Никодиму, Кожеезерскому (Хозьюгскому):
Яко безплотен, отче, пожил еси на земли, смирением и в яме пребыванием с молитвами превозносящегося врага смирил еси, яко крин воистину процвел еси, избранный кинамон и высокий кипарис, и плодовитая маслина, и финикс сладкий, и кедр благоуханный, и валсам чистый, терние злострастия искоренил еси и жилище Всесвятаго Духа был еси, темже поминай память твою днесь празднующих, Никодиме чудотворче, да вси радостными гласы воспеваем Христа Бога нашего, Иже тебе даровавшаго исцелений благодать.
Кинамон – корица, душистое коричное дерево.
Валсам – бальзам.
Кондак, глас 2 (преподобному Никодиму, Кожеезерскому (Хозьюгскому):
Пустыню, яко царский чертог, усердно возлюбил еси, в нейже жестокое показа житие многолетным пребыванием, очистив свою душу и ум от страстей, и сего ради Святаго Духа предивно приятелище бысть, Никодиме преподобне, Егоже действием и чудесы обогатился еси, темже и мы почитаем подвиги твоя, всеблаженне, но, яко имеяй дерзновение ко Пресвятей Троице, молися непрестанно о всех нас.
Тропарь, глас 5 (святителю Филиппу II, митрополиту Московскому и всея России, чудотворцу):
Радостный возсия день светлаго торжества: днесь церковная расширяются недра, приемлюще духовных даров неоскудеемо боготворное сокровище, струю благодатей неисчерпаемую, источника чудесе обильна, чудотворивыя и священныя мощи твоя, святителю Филиппе. Темже моли прославившаго тя Дарователя Христа Бога о воспевающих тя и кланяющихся священным мощем твоим.
Кондак, глас 3 (святителю Филиппу II, митрополиту Московскому и всея России, чудотворцу):
Яко солнце, днесь от земных недр возсияша честныя твоя мощи, святителю. Землю же и воздух шествием твоим осветил еси и всех верных чудес богознаменьми облистал еси, чудотворец предивен и молитвенник к Богу о мире изящен явися. Сего ради вопием ти: спасай нас теплым твоим предстательством, яко ученик Божия благодати.
Православная книга почтой pravmolitva.ru
Главная - pravmolitva
Православная книга почтой