Православная молитва - Православная книга

20 октября (по старому стилю 7 октября)

Память святых угодников Божиих:
Воинов Казанских; святителя Ионы, епископа Ханькоуского; преподобного Иосифа Хуция, Мохевского, Грузинского; священномучеников Иулиана пресвитера и Кесария диакона, Терракинских; преподобного Мартиниана Белоезерского, игумена; священномученика Николая (Казанского) пресвитера; мученицы Пелагии девы, Тарсийской; священномученика Полихрония пресвитера; мучеников Сергия Росафского и Вакха римлян; преподобного Сергия Послушливого, Печерского, в Ближних пещерах почивающего; преподобного Сергия Обнорского, Нуромского (Вологодского).

Поздравляем именинников!

Тропарь, глас 7 (преподобному Мартиниану Белоезерскому, игумену):
От юности, отче, избран и возлюблен был еси Господом Богом, иже, провидя доброе твое произволение, научи тя приити к преподобному угоднику своему Кириллу всеблаженному, от негоже наставлен быв на путь спасения, в страсе Божии и чистоте душевней, в благоговении же и непрестанных к Богу молитвах житие твое непорочно прешел еси. И ныне со дерзновением предстоя на Небесех Престолу Христову, отче Мартиниане всеблаженне, не престай моля Христа Бога спасти и помиловати души наша.

Кондак, глас 8 (преподобному Мартиниану Белоезерскому, игумену):
Благоизволив, преподобне, от юнаго возраста работати Господеви день и нощь, в страсе Божии и благоговении чистоту душевную соблюл еси, в молитвах же и бдениях ум твой предочистил еси, в подвизех же и злостраданиях тело твое изнурив, вся добродетели духовныя исправил еси, и образ хотящим по тебе спастися явился еси. Темже ныне присно зря на Небесех Пресвятую Троицу, молися, всеблаженне, даровати душам нашим спасение и житию нашему исправление, да вси верою вопием ти: радуйся, преподобне Мартиниане, отче наш.

Кондак, глас 3 (мученице Пелагии деве, Тарсийской):
Временная презревши, и Небесных благ причастница бывши, венец страдания ради приимши, Пелагие всечестная, яко дар принесла еси кровныя потоки Владыце Христу. Моли от бед избавити нас, твою память почитающих.

Тропарь, глас 5 (мученикам Сергию Росафскому и Вакху римлянам):
Удобрение Христовых страстотерпец и очи Христовы Церкве, очи просветите душ наших, Сергие многострадальне и Вакше преславне, молитеся ко Господу, яко да убежим тьмы греховныя и Света явимся общницы невечерняго молитвами вашими, святии.

Кондак, глас 2 (мученикам Сергию Росафскому и Вакху римлянам):
Разум на враги мужески вооруживше, всю тех лесть разрушисте, и, победу свыше приемше, мученицы всехвальнии, единомысленно вопиюще: добро и красно, еже быти с Богом.

Тропарь, глас 8 (преподобному Сергию Обнорскому, Нуромскому (Вологодскому):
Желанием духовным разгаршеся, пребогате, слез твоих течением душу твою напоил еси и еже из глубины воздыханьми уязвляше сердце твое, и бодренными молитвами и всенощным предстоянием Владыце Христу многодобродетелен плод принесл еси сам себе. И сего ради, яко Божий угодник, светило миру показася, сияя чудесы, Сергие преподобне, отче наш, теплый молитвенниче к Богу, всегда о нас Того моли, да спасет души наша.

Кондак, глас 8 (преподобному Сергию Обнорскому, Нуромскому (Вологодскому):
Яко звезда пресветлая от Святыя Горы провозшедше, доброты чудес твоих весь просветил мир, Христов бо крест взем, последовал Ему, в пустынном озлоблении, в молитвах же и пощениих, во бдениих же и злостраданиих изнурив плоть свою, тем и Христос даром чудес одари тя, Емуже о нас моляся, посещай чад своих, да зовем ти: радуйся, Сергие, отче наш, пустынный жителю.

Православная книга почтой pravmolitva.ru