Православная молитва - Православная книга

24 июня (по старому стилю 11 июня)

Память святых угодников Божиих:
преподобных отцов Псково-Печерских, в Соборе прославленных; преподобного Аркадия Новоторжского, Вяземского; преподобного Варнавы Ветлужского; апостолов Варфоломея (Нафанаила) и Варнавы (Иосии); преподобного Варфоломея Троицкого; преподобного Ефрема Новоторжского, чудотворца; священномученика Митрофана Китайского, пресвитера, и иже с ним мучеников многих.

Поздравляем именинников!

Тропарь, глас 4 (преподобным отцам Псково-Печерским, в Соборе прославленным):
Днесь обитель Псково-Печерская светло празднует, преподобных своих Собор почитающи; просияша бо зде богоноснии отцы, человецы же Небеснии, земнии Ангели; се в дому Твоем, о Богомати, радование и всех верных веселие духовное, яко даровала еси, о Благодатная, пречестныя нам пред Господем заступники и молитвенники о душах наших.

Тропарь, глас 4 (преподобному Аркадию Новоторжскому, Вяземскому):
От духовнаго наставника преподобнаго Ефрема наставляем, послушания добрый рачителю, отче Аркадие, от мирскаго мятежа удалился еси и, инок быв изрядный, добрым подвигом ревнуяй, от Христа Бога венец славы Небесныя приял еси; и ныне вкупе со преподобным отцем Ефремом у Престола Вышняго предстоя, о нас молися, избавитися нам от всяких бед и скорбей и спастися душам нашим.

Кондак, глас 2 (преподобному Аркадию Новоторжскому, Вяземскому):
К глубинам Божественнаго разума вперив ум свой, в Небесныя обители востекл еси и равноангельно житие, отче Аркадие, на земли пожил еси, и во всем повинулся еси духовному своему настоятелю и наставнику, преподобному отцу Ефрему, и ныне, вкупе предстояще у Престола Владыки Христа, молися непрестанно о всех нас.

Тропарь, глас 1 (преподобному Варнаве Ветлужскому):
Желанием духовным распалився и мятежи мирския отринув, к Богу любовию прилежно присовокупися. И Того вседушно взыскуя, во внутреннюю пустыню отшел еси, при водах вселился, идеже во слезах и трудех пребывая многолетное время, в терпениих мнозех житие ангельское проходил еси в наставлении Божественнаго разума и множество монахов собрал еси, мудре, ихже посещая, не остави, Варнаво преподобне отче наш, Пресвятей Троице моляся от зол всяческих избавити и спасти души наша.

Кондак, глас 8 (преподобному Варнаве Ветлужскому):
От юности, преподобне, плоть твою в постех и молитвах истончил еси и, крест твой взем, усердно последовал еси Христу, темже и к Вышним течение радостно совершил еси, идеже со всеми святыми предстоиши. И ныне стадо твое посещай, поминая чтущих всесвятую память твою, да вси благодарственно вопием ти: радуйся, богомудре Варнаво, наставниче пустынный.

Тропарь, глас 1 (преподобному Ефрему Новоторжскому, чудотворцу):
Божественною свыше просветився благодатию, преподобне, многим терпением во временней жизни подвиг совершил еси. Темже источаеши чудес благодать всем, с верою приходящим к раце мощей твоих, Ефреме преблаженне. Сего ради зовем: слава Давшему ти крепость, слава Венчавшему тя, слава Действующему тобою всем исцеления.

Кондак, глас 8 (преподобному Ефрему Новоторжскому, чудотворцу):
Яко Богоявленная Российская звезда, днесь сияя чудесы, явился еси, преподобне отче Ефреме. Тем не престай моляся о стаде своем, сохраняяй отечество твое, град же и люди, иже тебе верою почитающих и к честным мощем твоим усердно притекающих, да велегласно тебе вопием: радуйся, богомудре Ефреме, отче наш.

Православная книга почтой pravmolitva.ru