Неотступная молитва по соглашению

Господи Иисусе Христе, Сыне Божий, Ты сказал пречистыми устами Твоими: «Истинно говорю вам, что если двое из вас согласятся на земле просить о всяком деле, то, чего бы ни просили, будет им от Отца Моего Небесного, ибо, где двое или трое собраны во имя Мое, там Я посреди них». Непреложны словеса Твои, Господи, милосердие Твое безприкладно и человеколюбию Твоему нет конца. Сего ради молим Тебя: услышать нас, рабов Твоих согласившихся просить Тебя:
О УМНОЖЕНИИ ЛЮБВИ И ИСКОРЕНЕНИИ НЕНАВИСТИ И ВСЯКОЙ ЗЛОБЫ, О ПРИБАВЛЕНИИ УМА, ОБ УМЯГЧЕНИИ ЗЛЫХ СЕРДЕЦ, О ЗАЩИТЕ ОТ ЧАРОДЕЙСТВА, О СМИРЕНИИ, ПОКАЯНИИ, ИЗБАВЛЕНИИ ОТ НАПАСТЕЙ И СКОРБЕЙ, ЗДРАВИИ ДУШЕВНОМ И ТЕЛЕСНОМ, ДОЛГОЛЕТИИ РАБОВ ТВОИХ:

Наталии, Николая, Романа, Кирилла, Екатерины, Светланы, Варвары, Елены, Николая, прот. Бориса, Олега,
Ди­ми­трия, О­льги, А­нто­ния, А­ле­кса­ндра, о­тр.Вла­ди­ми­ра, А­ндрея, А­нны, Ма­рии, Га­ли­ны, Любови,
Раисы. Павла. Виктора. Екатерины. Алевтины. Тамары со сродн.,
Андрея, Марины со сродн., Георгия, Александра, Нины, Зои, Елены, Ирины,
Елены, Антония, Татианы, Марины,
Галины, Сергея, Максима.

Но обаче не якоже мы хотим, но якоже Ты. Да будет во веки воля Твоя.

Яко нерушимую стену и всемощный покров стяжахом Тя, раби Твои, Владычице Богородице, мрак грехов и скорбей отгоняющую. Темже вопием Ти: мир мирови даруй и душам нашим свет и спасение.

Блаже́ни вси боя́щиися Го́спода, ходя́щии в путе́х Eгó. 2 Труды́ плодо́в Твои́х сне́си: блаже́н еси́, и добро́ тебе́ бу́дет. 3 Жена́ твоя́, я́ко лоза́, плодови́та в страна́х до́му твоего́, 4 сы́нове твои́, я́ко новосажде́ния ма́сличная, о́крест трапе́зы твоея́. 5 Се та́ко благослови́тся челове́к боя́йся Го́спода. 6 Благослови́т тя Госпо́дь от Сио́на, 7 и у́зриши блага́я Иерусали́ма вся дни живо́та твоего́, и у́зриши сы́ны сыно́в твои́х. Мир на Изра́иля.

Сою́зом любве́ апо́столы Твоя́ связа́вый, Христе́, и нас Твои́х ве́рных рабо́в к Себе́ тем кре́пко связа́в, твори́ти за́поведи Твоя́ и друг дру́га люби́ти нелицеме́рно сотвори́, моли́твами Богоро́дицы, Еди́не Человеколю́бче.
О, Пресла́вная Ма́ти Христа́ Бо́га на́шего, благи́х Пода́теля, ми́лостию Свое́ю всю вселе́нную сохрани́, да́руй нам, рабо́м Твои́м, прему́дрость и ра́зум, све́том Сы́на Твоего́ ду́ши на́ша просвети́, еди́на Всепе́тая, от Херуви́м и Серафи́м сла́вимая.
Умягчи́ на́ша зла́я сеpдца́, Богоpо́дице, и на́пасти ненави́дящих нас угаси́ и вся́кую тесноту́ души́ на́шея pазpеши́, на Твой бо святы́й о́бpаз взиpа́юще, Твои́м состpада́нием и милосе́pдованием о нас умиля́емся и pа́ны Твоя́ лобыза́ем, стpел же на́ших, Тя теpза́ющих, ужаса́емся. Не даждь нам, Ма́ти Благосе́pдная, в жестосе́pдии на́шем и от жестосе́pдия бли́жних поги́бнути, Ты бо еси́ вои́стину злых сеpде́ц умягче́ние.
Кондак священномученику Киприану и мученице Иустине
От худо́жества волше́бнаго обрати́вся, Богому́дре, к позна́нию Боже́ственному, показа́лся еси́ ми́ру врач мудре́йший, исцеле́ния да́руя че́ствующим тя, Киприа́не со Иусти́ною: с не́юже моли́ся Человеколю́бцу Влады́це спасти́ ду́ши на́ша.
Тропарь Богородице пред иконой Ея,, Избавительница,,
Я́ко пресве́тлая звезда́,/ просия́ Боже́ственными чудесы́/ святы́й о́браз Твой, Изба́вительнице,/ луча́ми благода́ти и милосе́рдия Твоего́/ озари́в в нощи́ скорбе́й су́щих./ Пода́ждь у́бо и нам, Всеблага́я Де́во,/ избавле́ние от бед,/ исцеле́ние неду́гов душе́вных и теле́сных,// спасе́ние и ве́лию ми́лость.
Псалом 132
Се что́ добро́, или́ что́ красно́? Но е́же жи́ти бра́тии вку́пе. Я́ко миро на главе́, сходя́щее на браду́, браду́ Ааро́ню, сходя́щее на оме́ты оде́жды eго́, я́ко роса́ Аермо́нская сходя́щая на го́ры Сио́нския, я́ко та́мо запове́да Госпо́дь благослове́ние и живо́т до ве́ка.
Псалом 120
Возведо́х о́чи мои́ в го́ры, отню́дуже прии́дет по́мощь моя́. По́мощь моя́ от Го́спода, сотво́ршаго не́бо и зе́млю. Не даждь во смяте́ние ноги́ твоея́, ниже́ воздре́млет храня́й тя, се не воздре́млет, ниже́ у́снет храня́й Изра́иля. Госпо́дь сохрани́т тя, Госпо́дь покро́в твой на руку́ десну́ю твою́. Во дни со́лнце не ожже́т тебе́, ниже́ луна́ но́щию. Госпо́дь сохрани́т тя от вся́каго зла, сохрани́т ду́шу твою́ Госпо́дь. Госпо́дь сохрани́т вхожде́ние твое́ и исхожде́ние твое́, отны́не и до ве́ка.

Го́споди и Влады́ка живота́ моего́, дух пра́здности, уны́ния, любонача́лия и праздносло́вия не даждь ми.
Дух же целому́дрия, смиренному́дрия, терпе́ния и любве́ да́руй ми, рабу́ Твоему́.
Ей, Го́споди, Царю́, да́руй ми зре́ти моя́ прегреше́ния и не осужда́ти бра́та моего́, я́ко благослове́н еси́ во ве́ки веко́в. Ами́нь.

Бо́же, очи́сти мя, гре́шнаго. (12 раз)