Православная молитва - Православная книга

О чем молятся святителю Иулиану Кеноманийскому

Святой Иулиан (I в.), согласно некоторым сведениям, – это житель Вифании Симон прокаженный, который упоминается в Евангелиях (Мф. 26, 6; Мк. 14, 3), получивший при крещении имя Иулиан. Он был поставлен во епископа апостолом Петром и направлен им в Галлию для проповеди Слова Божия. Прибыв в Кеноманию (в настоящее время г. Ле Ман, Франция), Иулиан начал проповедовать Христа среди язычников. При этом именем Христовым святитель изгонял бесов, очищал прокаженных, исцелял от множества других тяжких телесных и душевных болезней.
Иулиан Кеноманийский особенно известен своим глубоким сочувствием горю родителей и совершавшимися по его молитвам исцелениями детей и даже возвращением умерших детей к жизни. Он помогал детям как из богатых, так и из бедных семей. Поэтому на иконах святитель Иулиан обычно изображается с младенцем на руках. Святитель скончался в глубокой старости; его мощи находятся в г. Ле Ман (Франция) в кафедральном соборе Сен-Жюльен.
Святителю Иулиану молятся об укреплении в истинной вере, избавлении от душевных и телесных недугов и о многом другом, но особенно он помогает молящимся о сохранении и здравии младенцев, исцелении их от болезней.

Молитва первая
святителю Иулиану Кеноманийскому

О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Иулиане! Предстоя у Престола всех Царя и наслаждаяся света Единосущныя Троицы и херувимски со Ангелы возглашая песнь Трисвятую, великое же и неизследованное дерзновение имея ко Всемилостивому Владыце, моли спастися паствы Христовы людем, благостояние святых церквей утверди, архиереи благолепием святительства украси, монашествующия к подвигом добраго течения укрепи, царствующий град и вся грады и страны добре сохрани и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели, и везде тепле призывающия тя и с верою припадающия и молящияся тебе от всяких напастей и бед ходатайством твоим свободи; моли о нас Всещедраго и Человеколюбиваго Христа Бога нашего, да и в день страшнаго пришествия Его от шуияго стояния избавит нас и радости святых причастники сотворит со всеми святыми во веки веков. Аминь.

Молитва вторая
святителю Иулиану Кеноманийскому

Святителю отче Иулиане, нетлением честных мощей твоих и многими благодеяниями, чудесно содеянными и содеваемыми тобою с верою к тебе притекающим, уверившиеся, яко имаши велию благодать у Господа Бога нашего, всесмиренно припадаем вси и молимся тебе: моли о нас Христа Бога нашего, да ниспослет всем, чтущим святую память твою и усердно к тебе прибегающим, богатыя милости Своя; да утвердит во святей Своей Православной Церкви живый дух правыя веры и благочестия, дух ведения и любве, дух мира и радости о Духе Святе, да вси члены ея, чисты от мирских искушений и плотских похотей и злаго действия злых духов, духом и истиною поклоняются Ему и усердно пекутся о соблюдении заповедей Его ко спасению душ своих. Пастырем ея да даст святую ревность попечения о спасении людей, им вверенных, да неверующих просветят, неведущих наставят, сомневающихся вразумят и удостоверят, отпадших от Православныя Церкве обратят в святыя недра ея, верующих соблюдут в вере, грешных подвигнут к покаянию, кающихся утешат и укрепят в исправлении жизни, раскаивающихся и исправившихся утвердят в святости жизни; и тако всех ведут указанным от Него путем в уготованное вечное Царство Его. Ей, святителю Божий, да устроиши молитвами твоими вся благая душам и телесем нашим, да и мы прославим в душах и телесех наших Господа и Бога нашего, Иисуса Христа, Емуже со Отцем и Святым Духом слава и держава во веки веков. Аминь.

© Михаил Тихомиров
Цитируется в сокращении по кн.: МОЛИТВЫ О ЗДРАВИИ МЛАДЕНЦЕВ. – М.: Изд. Тихомирова М.Ю., 2017.

Православная книга почтой pravmolitva.ru